Javier Muñecas Euskadiko EGABeko presidenteak EuroBasquek, Europako Mugimenduaren Euskal Kontseiluak, antolatutako makroreskualde atlantikoari buruzko jardunaldi batean parte hartu zuen, Bilbon, 2025eko otsailaren 21ean.

Javier Muñecasek panel bat partekatu du Arku Atlantikoko nazioz haraindiko beste lankidetza-sare batzuetako ordezkariekin, hala nola Eskualde Atlantikoetako Merkataritza Ganberen Sarearekin edo Atlantic Citiesekin (Arku Atlantikoko hirien Europako Sarea), eta Atlantikoko Sare Transnazionalak Makroeskualde Atlantikoa sortzeko proiektuari buruz onartu berri duen txostenaren edukia azaldu du. Horren bidez, Atlantikoko Sare Transnazionalak bat egin du Arku Atlantikoko Batzordeak makroeskualde atlantiko bat sortzeko egin duen aldarrikapenarekin, eta horrek lurralde atlantikoei mesede egiteko baldintzak planteatzen ditu, eta arreta jartzen du gizarte-zibilak makroeskualderako hartuko den gobernantza-ereduan izan behar duen zeregin garrantzitsuan.

Atlantikoko Sare Transnazionala Ekonomia eta Gizarte Kontseiluen nazioz gaindiko lankidetza-sarea da, eta Euskadiko EGAB 2003an sortu zenez geroztik sare horretako kide da. Horrekin bat egiten du Atlantikoko eremuan dauden lankidetza-eremuak egiten ari diren ahaleginarekin, Arku Atlantikoko Batzordea buru dela, makroeskualde atlantiko baten sorrera bultzatzeko.

Atlantikoko Sare Transnazionalaren ustez, makroeskualde horrek lagundu dezake Europako fatxada atlantikoan dauden lankidetza-esparruen arteko koordinazioa hobetzen eta indartzen, lehorreko eta itsasoko erronken arteko koordinazioa eta lotura hobetzen, eta Atlantikoko lurraldeek Europar Batasunean duten pisu politikoa eta eragiteko gaitasuna indartzen.

(Txosten osoa ikusi)